သူမက
ကျောင်းတက်ရင် ကျောင်းကိုပေးဖို့ရိုက်ထားသော
ကာလာလိုင်စင်ဓါတ်ပုံများထဲမှ
ကျွန်တော့်အတွက် တစ်ပုံပေးသည်။
သူမ၏အလှများကိုတော့ ထူးထူးထွေထွေချီးမွမ်းဖို့ လိုအံ့မထင်။
ဆောင်းညချမ်းချမ်းမှာ သူမဆန္ဒအတိုင်း
ထိုလိုင်စင် ဓါတ်ပုံလေးကို
(ပိုက်ဆံတစ်ပြားမှ မရှိသော) ကျွန်တော့် ပိုက်ဆံအိတ်ထဲထည့်ထားရင်း
ခေါင်းအုံးဘေးတွင် ထားအိပ်ရသော အရသာက ဘာနဲ့မှ မလဲနိုင်ပါ။
အိပ်ရာက လန့်နိုးသည့်အခါတွင်ဖြစ်စေ၊
သာမန်အတိုင်း အိပ်ရာမှ နိုးထသည့်အခါတွင်ဖြစ်စေ၊
ပိုက်ဆံအိတ်လေးကို လှစ်ဟရင်း သူမဓါတ်ပုံလေးကို ဖွင့်ကြည့်ဖြစ်သည်။
အသာဖွဖွ နမ်းရှိုက်မိသည်။
ဘေးနားမှာ သူမကိုယ်တိုင်ရှိနေသလို ကျွန်တော့်အတွက် အားအင်တွေဖြစ်စေသည်။
"ဘယ်သွားသွား ကျွန်တော့်နှင့်အတူ မကွဲမကွာရှိနေသည်" ဆိုသည့်အသိဖြင့်
ကျွန်တော့်ခြေလှမ်းတွေ ပေါ့ပါးဖျတ်လတ်သွားရစမြဲ။
ဓါတ်ပုံထဲမှ ကြည်ရွှင်ဝင်းပနေသော သူမကတော့ ကျွန်တော့်ကို ပြုံးကြည့်နေသယောင် . . ။
မြန်မာစာလုံးများကို အကောင်းဆုံးဖတ်ရှုနိုင်ရန် မီးလျှံမြေခွေးဘရောက်ဇာကို ရယူပါ
Blogspot နဲ့ကြည့်လို့ အဆင်မပြေရင် နေရာဟောင်းမှာလိပ်စာသစ်အဖြစ် http://www.koyinmaung.tk မှာလည်း ကြည့်ရှု့နိုင်တယ်နော်...။
No comments:
Post a Comment